Tráfico ultima o traslado das súas oficinas a Campolongo
Por Alejandro Espiño
A Xefatura Provincial de Tráfico xa ten todo preparado para trasladar as súas oficinas, actualmente situadas nun piso da rúa Joaquín Costa, a Campolongo. Así o anunciou este martes a concelleira de Urbanismo, Anabel Gulías.
A comisión de Urbanismo tomou coñecemento do traslado "efectivo" de Tráfico a Campolongo, o que para o goberno municipal é "importante", xa que permitirá centralizar os servizos administrativos da Xunta e do Estado nesta zona da cidade.
Alí sitúanse xa, entre outras, a delegación territorial da Xunta de Galicia ou as oficinas da Axencia Tributaria, tras abandonar no seu día as súas respectivas sedes en Benito Corbal e o edificio de San Francisco, na Ferrería.
Esta concentración, segundo Gulías, será "beneficiosa" tanto para os cidadáns como para os traballadores públicos de ambas as administracións.
As novas dependencias de Tráfico en Campolongo están nun edificio situado nas confluencias das rúas Blanco Amor e Luís Braille. Teñen preto de 1.500 metros cadrados e, na súa adquisición, investíronse máis de catro millóns de euros.
Relacionadas:
-
O luns 25 de outubro abre as súas portas a nova sede da Xefatura Provincial de Tráfico en Campolongo
Por Redacción |
-
O traslado das oficinas de Tráfico a Campolongo aínda terá que agardar a 2020
Por Redacción |
-
O Goberno confirma que ata finais do 2016 non trasladará a Xefatura Provincial de Tráfico a Campolongo
Por Redacción |
-
O PSOE pide explicacións ao Goberno sobre por que non se trasladou a Xefatura de Tráfico
Por Redacción |