Gabinete de crise na Deputación que mantén movilizados todos os seus departamentos e efectivos
Por Redacción
O goberno provincial da Deputación de Pontevedra mantén movilizados todos os departamentos da institución ante a grave situación dos incendios. Ás 21.30 horas, o gabinete de crise, que a presidenta Carmela Silva activou a pasada madrugada, segue a traballar en coordinación con Medio Rural da Xunta e os concellos do sur da provincia a fin de sumar esforzos para poder controlar a situación que, sobre todo, está a afectar as comarcas do Condado, Vigo, Val Miñor e Baixo Miño con miles de hectáreas queimadas e vecinos desaloxados.
Desde o sábado pola noite, a Deputación mobilizou todos os parques do consorcio provincial contra incendios e salvamento, Vilagarcía, O Porriño, Bueu e Ribadumia, que se puxeron a disposición do 112 e de Medio Rural, e que ao longo do día movéronse en función da perigosidade dos lumes, desde Pazos de Borbén a Mondariz, Ponteareas, Redondela, Gondomar, Baiona, Oia, Mos, Salvaterra ou As Neves.
Amais, durante a xornada se activou a alerta en diferentes departamentos da institución provincial e se coordinou desde a área de Mobilidade o envío de medios humanos e máquinas as zonas máis afectadas, chegando mesmo á contratación externa de algún materiais. De feito enviáronse dúas máquinas de cadeas e dúas góndolas, amais de dúas cisternas así como conductores e un coordinador do parque.
Tamén se activou o protocolo de actuación no castelo de Soutomaior coa previsión de materiais para facer frente a una posible evacuación que de momento non foi precisa. Igualmente as brigadas provinciais apoiaron labores de tráfico co peche da estrada Ponteareas-As Neves.
A estas horas han sido declarados de nivel 2 de alerta os incendios de Gondomar, As Neves, Salvaterra, Baiona e Pazos de Borbén, onde tamén traballan efectivos da Unidade Militar de Emerxencias (UME) e que se espallou a Ponteareas, Redondela e Soutomaior. Ante a virulencia dos fogos están movilizados os corpos contra incendios de todos os concellos do sur da provincia.
A propia presidenta provincial, Carmela Silva, segue en permanente contacto coa conselleira de Medio Rural da Xunta de Galicia, con quen coordinou todos os dispositivos de emerxencia, e cos alcaldes das zonas e concellos máis afectados polo fogo.
Relacionadas:
-
A vaga de incendios forestais volveu repetirse unha década despois
Por Redacción |
-
A presidenta da Deputación pide a Núñez Feijóo o cesamento de Alfonso Rueda por "incompetente"
Por Mónica Patxot & Anxo Lourido |
-
Tenorio, de novo vítima dos incendios
Por Redacción & Diego Torrado | Creada e actualizada
-
A Universidade de Vigo suspende este luns a actividade docente polos lumes
Por Redacción |
-
Ponte Caldelas, en "máxima alerta" tras declararse varios incendios
Por Oskar Viéitez | Creada e actualizada
-
Dous novos incendios asolan Armenteira e Caldas
Por Oskar Viéitez | Creada e actualizada
-
Unha dotación dos Bombeiros de Pontevedra vai axudar ao combate contra a vaga de lumes
Por Oskar Viéitez |
-
O fume do incendio de Pazos de Borbén causa alarma en Pontevedra
Por Oskar Viéitez |