Os empresarios turísticos de Sanxenxo critican as "velocidades de vergoña" na internet
Por Oskar Viéitez
O Consorcio de Empresarios Turísticos de Sanxenxo (CETS) critica que este municipio turístico non pode permitirse "velocidades de vergoña" de 3 megabytes na internet "pagando cotas iguais a cidades que ofrecen 100 megabytes ao mesmo prezo".
Desde o CETS advirten que "a conectividade é sen dúbida un dos principais cabalos de batalla para o noso sector en Sanxenxo, que debe mellorar para poder garantir a chegada destes fluxos de visitantes, especialmente estranxeiros".
Neste sentido os empresarios lembran que o turismo é o maior xerador de emprego deste municipio e apelan ao Concello e á Xunta de Galicia para buscar "unha solución real e definitiva a un asunto que non se pode estender máis no tempo".
Estenden esta colaboración publico-privada para traballar xunto ao goberno local nunha "ordenanza de seguridade cidadá que axude a controlar o botellón", e que reforce a eficacia da Policía Local nas súas accións.
"Debemos garantir o equilibrio do goce de todos e o dereito ao descanso", conclúen.
Relacionadas:
-
Os empresarios turísticos de Sanxenxo urxen medidas para mellorar a conectividade no municipio
Por Oskar Viéitez |
-
O consumo avala un "extraordinario" mes de setembro para o turismo en Sanxenxo
Por Redacción |
-
O BNG demanda un ciclo superior de FP no IES de Vilalonga
Por Oskar Viéitez |
-
O plan estratéxico de Turismo estará aprobado en decembro para potenciar o sector
Por Redacción |