O PP de Poio convida o PSdeG a "informarse de primeira man" sobre as obras de Portos de Galicia en Raxó e Covelo
Por Redacción
A portavoz do Partido Popular de Poio para a parroquia de Raxó, Tamara González, respondeu este mércores ás declaracións do deputado socialista Julio Torrado, que acusaba de "sectarismo" a Portos de Galicia na xestión das dársenas de Raxó e Covelo.
González convidou o socialista a visitar Poio "para informarse de primeira man" das obras feitas por Portos de Galicia, como a pasarela peonil de Raxó ou a humanización da ponte do Covelo, con investimentos de 100.000 e 200.000 euros.
Ademais sinalou a próxima actuación de mellora no porto de Raxó, "para a que fai falta que o bipartito de Poio, incluído o PSOE, faga o seu traballo e dea a localización da depuradora", declarou a reponsable do Partido Popular.
Nesta última actuación está previsto substituír todas as canalizacións e habilitar un novo sistema de saneamento e separación de residuos cun importante investimento de Portos de Galicia, segundo recalcou Tamara González.
Relacionadas:
-
Malestar con Portos de Galicia polo retraso das melloras en Raxó e Covelo
Por Alejandro Espiño |
-
O PSOE ve "sectarismo" na xestión de Portos de Galicia para as dársenas de Raxó e Covelo
Por Redacción |
-
Portos de Galicia presentará varias alternativas de pantaláns no porto de Campelo
Por Oskar Viéitez |
-
O goberno local de Poio séntese vítima de complot, vendetta e chantaxe
Por Oskar Viéitez |
-
O PP di que Portos reformará o porto de Raxó "cando o bipartito comunique a ubicación da depuradora"
Por Oskar Viéitez |