VÍDEO.- 120 tiradores danse cita no campo de Cernadiñas Novas
Por Mónica Patxot
As celebracións do Día do Pilar, patroa da Garda Civil, adiantáronse xa en Pontevedra co XXVII Campionato de Tiro Virxe do Pilar, que comezou este luns no campo de Cernadiñas Novas, situado entre San Andrés de Xeve e Bora.
O campionato, organizado por persoal da Comandancia da Garda Civil de Pontevedra, bateu record de participantes, con 120 inscritos, tanto axentes da Garda Civil como do resto das Forzas e Corpos de Seguridade do Estado e as Forzas Armadas.
O campionato inclúe a especialidade de percorrido de tiro de combate e desenvólvese entre este luns e este martes en horario de mañá e tarde de 9.00 a 13.00 horas e de 15.30 a 19.00 horas.