Sanxenxo ultima a ordenanza para a posta en funcionamento de cámaras de vídeo vixilancia
Por Oskar Viéitez
Este mércores celebrouse no Concello de Sanxenxo a Comisión Informativa de Asuntos Xerais previa ao pleno do próximo día 25. Nela presentou a ordenanza municipal para a creación dun ficheiro de datos de carácter persoal denominado vídeo vixilancia, que constará de nove artigos e un anexo.
Previamente a esta comisión no pleno do 31 de xullo pasado, este asunto quedou sobre a mesa, por falta dun informe de secretaría que complete o expediente.
Na relación de artigos da ordenanza, sinálase a responsabilidade dos ficheiros creados, as medidas de seguridade e o tratamento dos datos persoais que neles aparecen e a conservación e acceso aos mesmos.
O obxectivo de redacción desta ordenanza débese á previsión de posta en funcionamento de cámaras de vídeo vixilancia que "garantan a seguridade" de diversas instalacións municipais e espazos públicos, para "conseguir salvagardar o patrimonio municipal".
No Consello de Nauta do pasado mes de xullo, aprobouse xa a instalación de 10 cámaras no recinto do porto deportivo, coa intención de mellorar os medios que garantan a seguridade na contorna do porto e, en especial, no espazo no que se atopan situados os locais de copas.
O concello considera que estas cámaras son "un instrumento moi eficaz para mellorar a seguridade no día a día nos edificios públicos e en eventos que concentran unha gran afluencia de xente".
Unha vez aprobada esta ordenanza, entrará en vigor ao día seguinte da súa publicación no Boletín Oficial da Provincia.
Relacionadas:
-
Sae publicada a ordenanza reguladora da vídeo vixilancia en Sanxenxo
Por Oskar Viéitez |
-
Máis de 2.000 persoas usaron o alcoholímetro do porto deportivo de Sanxenxo
Por Redacción |
-
O aparcadoiro do porto volve ofrecer gratis a primeira hora de estacionamento
Por Oskar Viéitez |
-
Dispositivo especial de vixilancia da Garda Civil ante a concentración moteira de Sanxenxo
Por Redacción |
-
Un alcoholímetro permitirá comprobar a taxa de alcol antes de coller o coche en Nauta
Por Redacción |
-
Denuncian 32 persoas na primeira quincena de xullo por ouriñar na rúa en Sanxenxo
Por Redacción |
-
Sanxenxo estrea esta fin de semana un novo dispositivo para mellorar a seguridade na movida
Por Redacción |