Corea do Sur súmase á lista de premios a Pontevedra polo seu modelo urbano
Por Redacción
O modelo urbano de Pontevedra segue sumando recoñecementos a nivel nacional. O último, o que decidiu concederlle a localidade surcoreana de Jenjou dentro dos World Slowness Forum and Slowness & Awards 2017.
O alcalde, Miguel Anxo Fernández Lores, viaxará a Jenjou para recibir o próximo 2 de novembro o galardón que distingue a "mobilidade para unha cidade mellor", en referencia ás boas prácticas en materia de calidade urbana.
Esta cita poñerá colofón a unha serie de invitacións a distintos foros de tranformación das cidades nas que participará representación da Boa Vila, que foi convidada a diferentes congresos en Valladolid, Granada, Madrid, Mérida, Tudela ou Barcelona.
A primeira destas participacións ten lugar este mesmo sábado 16 de setembro en Valladolid, onde a tenente de alcalde Carme da Silva toma parte como relatora na xornada titulada 'Vinte anos de cambios na mobilidade', que centrará o debate na calidade do aire e a mobilidade sustentable.
Ata novembro, data na que a delegación pontevedresa visitará Corea do Sur, a Boa Vila recibirá ademais delegacións chegadas desde Salamanca ou Cascais (Portugal) interesadas en coñecer a transformación experimentada nos últimos anos na capital provincial.
Relacionadas:
-
Pontevedra e Jeonju declaran, vía convenio, ser "cidades amigas"
Por Redacción |
-
Ganemos Salamanca, disposto a "exportar" á súa cidade o modelo urbano de Pontevedra
Por Alejandro Espiño |
-
Pontevedra presume de modelo urbano en Granada: "Mercar sen coches é máis agradable e máis rendible"
Por Redacción |
-
Carme da Silva defende en Valladolid a redución do uso do coche para mellorar a saúde pública
Por Redacción |
-
Pontevedra, un modelo que "alenta" o Senado de México a buscar cidades "máis humanas"
Por Alejandro Espiño |
-
"Menos coches e máis cidade" proclama o alcalde de Pontevedra en Cidade de México
Por Alejandro Espiño |
-
Pontevedra recolle en Valencia o premio dos comerciantes españois ao centro histórico
Por Redacción |
-
Pontevedra, premiada pola mobilidade amable na cidade chinesa de Shenzhen
Por Redacción |