Furan o asfalto para osixenar o carballo de Santa Margarida
Por Redacción
Técnicos do departamento municipal de Medio Natural e da Estación Fitopatolóxica do Areeiro (EFA) apuran as actuacións de urxencia autorizadas pola Consellería de Medio Ambiente, seguindo o ditame derivado da avaliación do estado desta árbore senlleira após da caída dunha ponla seca de 200 quilos o pasado 31 de xullo.
Primeiro foi unha poda de saneamento e a suxeición das ponlas máis pesadas, despois comezouse coa aplicación do tratamento con insecticida biolóxico contra os insectos xilófagos e este luns foi a quenda da realización de catas e apertura de ocos no asfalto co fin de osixenar as raíces da árbore centenaria. Estes ocos serán recheos con area e grava para manterlle a humidade.
Sete días despois da caída da ponla do carballo de Santa Margarida, o concelleiro de Medio Natural, Alberto Oubiña, xa contactara coa Estación Fitopatoloxica do Areeiro e os seus técnicos tiñan feito xa unha avaliación do estado da árbore.
O 21 de agosto, previa autorización da Xunta -o carballo está incluído no catálogo de árbores senlleiras- comezaron os tratamentos dirixidos a conseguir mantelo vivo nas mellores condicións.
A Concellería de Medio Natural, que dirixe Alberto Oubiña, púxose tamén en contacto coas consellerías de Cultura e Medio Ambiente e coa Delegación de Patrimonio do Arcebispado de Santiago co fin de coordinar, ademais desta actuación urxente, unha estratexia de longo percorrido para conservar e manter no mellor estado posible o carballo de Santa Margarida.
Relacionadas:
-
O carballo de Santa Margarida sae da UCI
Por Alejandro Espiño & Mónica Patxot |
-
Continúan os coidados intensivos para o carballo de Santa Margarida
Por Alejandro Espiño |
-
O carballo de Santa Margarida, candidato español a Árbore Europea do Ano
Por Alejandro Espiño |
-
A exposición "As nosas senlleiras" chega a Moraña
Por Redacción |
-
Tratamento "inmediato" para o carballo de Santa Margarida
Por Diego Espiño |
-
O Concello coordinará coa Xunta unha actuación urxente no carballo de Santa Margarida
Por Redacción |
-
Os comuneiros de Mourente propoñen crear un padroado en defensa do carballo de Santa Margarida
Por Natalia Puga |
-
Salvemos o carballo de Santa Margarida
Por Oskar Viéitez & Cristina Saiz |