Dispositivo especial para protexer os romeiros que acoden camiñando aos Milagres de Amil
Por Redacción
Con motivo da próxima celebración da popular romaría dos Milagres de Amil, o Subsector de Tráfico da Garda Civil de Pontevedra poñerá en marcha, durante esta fin de semana, un dispositivo especial de seguridade viaria para protexer aos numerosos peregrinos que discorren polos diferentes accesos ao santuario.
Con tal motivo, os efectivos da Agrupación de Tráfico da Garda Civil comprobarán que os romeiros cumpran a normativa en canto se refire á circulación de peóns en vías interurbanas e en horario nocturno.
Ao mesmo tempo, aconséllase aos condutores que extremen as medidas de precaución cos numerosos peregrinos, ciclistas, xinetes e as súas monturas; que sexan responsables á hora de estacionar os seus vehículos e respectuosos coa normativa de circulación e tráfico, sobre todo no relacionado co consumo de alcol e drogas.
En eventos e aglomeracións deste tipo é fundamental o compromiso de todos, para iso suxírese que comuniquen a través dos teléfonos 112 ou do 062 calquera comportamento anómalo con respecto á seguridade viaria que presencie, co obxecto de mobilizar as patrullas de servizo en evitación de que se produza un desgraciado accidente.