Máis de 33.000 euros do Plan Concellos mellorarán o saneamento en Noalla
Por Redacción
Unha nova axuda do Plan Concellos da Deputación de Pontevedra por un importe de 33.620,71 euros permitirá instalar no Concello de Sanxenxo un colector de saneamento para augas residuais.
A instalación realizarase, concretamente, no lugar de Mourelos, parroquia de Noalla, con cargo á liña 1 de investimentos do Plan Concellos 2017, segundo se aprobou a través dunha resolución presidencial.
Coa suma desta nova achega, a porcentaxe de adxudicación do Plan Concellos 2017 da Deputación de Pontevedra en Sanxenxo sitúase neste momento no 57,8%. Isto supón que o concello xa dispón de 647.506,04 euros dun total de máis de 1,1 millóns.
A Deputación indicou este sábado que anteriormente xa destinara a Sanxenxo 277.020,36 euros na liña 1 para o subministro dun tractor con desbrozadora, de material de accesibilidade para as praias, dunha maquinaria para o mantemento dos parques e xardíns, para a pavimentación do núcleo de Bordóns, o acondicionamento do local para o comedor do CEIP Magaláns, o subministro de flexipasarelas para mellorar a accesibilidade das praias de Baltar e Silgar, o subministro e a instalación dun módulo de aseos na praia da Panadeira e para instalar tres lavapés en tres praias do municipio.
Ademais, recibiu 68.491,95 euros da liña 2 para diversas actividades como as festas patronais, o Entroido ou o Verán en Sanxenxo e outros 250.751,28 euros para a contratación de 43 persoas que desempeñarán as súas funcións nos diversos servizos municipais da vila, a través da liña 3 de emprego.
Relacionadas:
-
Sanxenxo ultima proxectos de saneamento e abastecemento de auga valorados en 184.700 euros
Por Redacción |
-
As praias de Sanxenxo gañan en accesibilidade: estrean flexipasarelas, cadeiras anfibias, muletas e andadores
Por Redacción |
-
A praia da Panadeira estreará un módulo de aseos a través do Plan Concellos da Deputación
Por Redacción |
-
Adina estrea unha renovada Casa de Cultura
Por Redacción |
-
Sanxenxo reforza a brigada de limpeza de praias coa contratación de 15 persoas
Por Redacción |
-
Sanxenxo recibe da Deputación 1,1 millóns de euros
Por Oskar Viéitez |
-
200.000 euros para dinamización da lingua galega e normalización nos concellos da provincia
Por Redacción |