A canle do río Gallo en Cuntis, ao fin limpa
Por Redacción
Operarios de Augas de Galicia comezaron os traballos de limpeza do tramo urbano do río Gallo ao seu paso por Cuntis.
Trátase dun compromiso adquirido polo ente autonómico o pasado mes de xullo tras unha reunión co alcalde, Manuel Campos, na que se tratou a vella demanda dos veciños e do Concello.
Os traballos consisten na retirada de vexetación e especies invasoras presentes na canle do río.
Ademais procédese á limpeza de sedimentos e á súa retirada con maquinaria pesada, realizando complementariamente un control arqueolóxico.