Rías Baixas estima un importante incremento de recollida de uva na vendima
Por Redacción
O Consello Regulador da Denominación de Orixe Rías Baixas prevé para este ano un ciclo vinícola "excelente, con ausencia de pragas e enfermidades".
Así o reflicte o informe presentado polo servizo técnico coa estimación da colleita na denominación de orixe, e que prevé un incremento do 12% na recollida con respecto a 2016 para situarse aproximadamente nos 37,6 millóns de quilos de uva.
Esta situación vén propiciada tamén por unha primavera "moi seca e cálida, cunha anomalía positiva na temperatura media de 1,8ºC", sinala devandito informe. Ademais as boas condicións climatolóxicas durante o mes de xuño provocaron "un alto ritmo de crecemento vexetativo", o que conxugado coa boa saúde dos viñedos augura o incremento da produción.
Debido a este adianto no ciclo vexetativo, Rías Baixas ultima xa os preparativos da vendima coa previsión de que se poida iniciar antes do habitual, en función da meteoroloxía dos últimos días de agosto.
En función da estimación de recollida de uva, o Consello Regulador estima que se producirán ao redor de 26 millóns de litros de viño na colleita de 2017.
Relacionadas:
-
O albariño ponse de moda en Polonia
Por Redacción |
-
A vendima en Rías Baixas, a pleno rendemento
Por Redacción & Mónica Patxot |
-
O Areeiro confirma que a vendima se adiantará e haberá unha segunda no outono
Por Redacción |
-
Agárdase que a vendima comece a finais de agosto ante a avanzada maduración
Por Redacción |