Os veciños queixáronse do ruído procedente do baile de gala do Liceo Casino ao que asistíu Rajoy
Por Redacción
A concelleira de Festas, Carme da Silva, facía un balance este luns dos acontecementos festivos durante a fin de semana, nos que comentou que unha das incidencias produciuse polas chamadas de queixas de veciños á Policía Local de Pontevedra polo ruído que saía das dependencias do recinto do Liceo Casino da Caeira, en Poio.
Segundo indicaba a concelleira, o evento da posta de longo no que participou o presidente do Goberno, Mariano Rajoy, durou ata as 08.00 horas cun elevado volume da música. "Non é o primeiro ano, son queixas reiteradas porque é festa pero igual ata as oito da mañá é un pouco excesivo", puntualizou Da Silva.
Na comandancia da Garda Civil de Pontevedra tamén se rexistraron chamadas de queixas veciñais polo horario e o ruído do baile de gala. Unha patrulla desprazouse ata o Parque de Verán do Liceo Casino e nos próximos días axentes da Garda Civil revisará a documentación para comprobar que contaba con todas as autorizacións para que a festa durase tantas horas.
O permiso para a celebración destes actos depende do Concello de Poio. A Policía Local deste municipio, con todo, non tivo constancia de malestar veciñal polo exceso de volume emitido desde a sociedade recreativa.
En canto a outro tipo de incidencias, a responsable das festas sinalaba que esta fin de semana realizáronse 21 intervencións por parte dos servizos médicos para atender casos de exceso de consumo de alcol e un ferido por un corte accidental.
Recolléronse 15 toneladas de lixo durante a mañá do domingo e 6 toneladas, a falta de que conclúan os traballos de limpeza, durante a xornada deste luns.
Tamén se realizaron numerosos controis de consumo de alcol e drogas a condutores e, segundo a concelleira, todos deron resultado negativo. O único condutor que deu resultado positivo foi o que sufriu un accidente por saída de vía na rúa Eduardo Pondal, onde tamén durante a noite do sábado ao domingo montouse un amplo dispositivo de control da Policía Nacional.
URINARIOS PÚBLICOS
Sobre a petición realizada polo Partido Popular para instalar urinarios públicos en distintos puntos do centro histórico, Carme da Silva sinalou que xa hai baños na Alameda e que iso non resolve o problema da "incontinencia urinaria" por parte dalgúns homes.
Recomendou ao Partido Popular que se preocupe de divertirse e que se "coñecen xente con inconteniencia urinaria que lle diga que esas cousas non se fan".
Relacionadas:
-
Polémica entre os socios do Liceo Casino por unha operación de crédito
Por Oskar Viéitez |
-
Deteñen un mozo por tráfico de marihuana no recinto nas Festas da Peregrina
Por Redacción |
-
Cheo no baile de gala do Liceo Casino, con máis de 4.000 asistentes e 27 "debutantes"
Por Redacción & Cristina Saiz |
-
Mariano Rajoy, estrela do baile de gala do Liceo Casino seis anos despois
Por Ramiro Espiño & Cristina Saiz |
-
O PP lamenta que continúe sen haber urinarios durante as celebracións das "peñas"
Por Redacción |