A procesión da Virxe Peregrina provoca cortes de rúas e limitacións de aparcadoiro
Por Redacción
O acto relixioso central das Festas da Peregrina, a procesión da virxe patroa da provincia, provocará na tarde deste domingo cortes de tráfico e restricións de estacionamento en varias rúas de Pontevedra. A pesar de que transcorre practicamente na súa totalidade por rúas peonís, haberá que limitar a circulación por tres vías.
A Policía Local de Pontevedra deseñou un operativo especial de seguridade para garantir que a procesión trancurra con normalidade e causando os mínimos inconvenientes a veciños e condutores.
A procesión sairá ás 21.00 horas deste domingo 13 de agosto da praza da Peregrina e percorrerá as rúas Michelena, Gutierrez Mellado, Marqués de Riestra, Oliva, García Camba e Peregrina para terminar no punto de partida.
Desde media hora antes, ás 20.30 horas, e ata o termo da procesión a Policía Local de Pontevedra procederá ao corte de tráfico das rúas Andrés Muruais, García Camba e Marqués de Riestra.
Ademais, a partir das 15.00 horas quedará prohibido o estacionamento en Marqués de Riestra e García Camba e os vehículos estacionados en Andrés Muruais non se poderán mover ata que finalice a procesión.
Relacionadas:
-
Dispositivo especial de tráfico toda a fin de semana polas touradas e os fogos de artificio
Por Redacción |
-
Raíña Vitoria e Alameda péchanse ao tráfico para a instalación das atraccións da Peregrina
Por Anxo Lourido |
-
Na noite deste luns péchanse ao tráfico as rúas Raíña Vitoria e Alameda con motivo das festas da Peregrina
Por Redacción |