Que impacto tería depositar 330.000 metros cúbicos de lodos entre a illa de Tambo e Campelo?
Por Oskar Viéitez
A dragaxe do Lérez prevista polo ente Portos de Galicia superará os tres millóns de euros de orzamento e o ano de execución para retirar 330.000 metros cúbicos de lodos, area e sedimentos en toda a canle de navegación do río. Trátase dunha actuación ao longo de 4,3 quilómetros de lonxitude e máis de 264.000 metros cadrados do fondo da ría.
Despois dunha década de xestións o proxecto xa conta con declaración de impacto ambiental, ademais de múltiples informes favorables, mesmo ten orzamento. Agora o problema é o lugar previsto pola Xunta para depositar os 330.000 metros cúbicos de lodos: o espazo comprendido entre o oeste da illa de Tambo e Campelo.
Segundo as agrupacións de navalleiros e bateeiros e as confrarías de Bueu e Portonovo o depósito destes lodos alterará de modo importante o ecosistema e acabará con navallas e mexillóns.
"Temos todas as liñas de diálogo abertas", insistiu o presidente de Portos de Galicia, José Juan Durán, que quere "facer as obras desde o consenso".
A solución non parece tan complicada, aínda que si máis cara. Situar o punto de vertedura máis aló da illa de Ons como xa se fixo cos áridos procedentes da dragaxe do Porto de Marín. Esa é a postura que defenden todas as partes, menos a Xunta que propón a instalación de turbidímetros para medir a turbidez das augas e a repartición dos lodos, poñendo os de menor calidade nas zonas libres de marisqueo.
Relacionadas:
-
Unha moción en Poio busca rexeitar o depósito de lodos da ría na zona da Illa de Tambo
Por Redacción |
-
O PSOE preguntará á conselleira de Medio Ambiente que pasa co dragado do fondo da ría
Por Anxo Lourido |
-
O BNG esixe á Xunta que licite a dragaxe do Lérez no primeiro semestre de 2018
Por Redacción |
-
Podería acabar a illa de Tambo no Parque Nacional das Illas Atlánticas?
Por Redacción |
-
O porto recibe o maior buque graneleiro no que vai de ano
Por Redacción |
-
A APDR ve incertezas na dragaxe do Lérez que "recomendan non levala a cabo"
Por Redacción |
-
Marea Pontevedra, contraria á dragaxe do Lérez, presenta alegacións ao proxecto
Por Oskar Viéitez |
-
O BNG só logra o apoio do PSOE para pedir que a dragaxe da ría non espere a 2018
Por Redacción |
-
Así será a dragaxe do Lérez
Por Oskar Viéitez |