O PP de Poio denuncia "o Pleno da Vergonza" e convoca a veciñanza a unha mobilización
Por Oskar Viéitez
O voceiro do grupo municipal do Partido Popular en Poio, Ángel Moldes, criticou que o goberno local convocase o Pleno extraordinario sobre o IBI o martes ás 9:30 da mañá, "agochándose dos veciños" pese a que o PP pediu que fose a unha hora que facilitase a asistencia dos afectados.
Moldes calificou a convocatoria coma "o Pleno da Vergonza" e chamou a un "pleno dos veciños" para o martes pola tarde para participar nunha mobilización na que "votará o Pobo".
Segundo os populares, "mentres a forza maioritaria de Poio, o PP, fai unha oposición construtiva, plantea solucións e reúnese cos veciños, o goberno se esconde e lles pecha a porta".
Finalmente insistiu en que o goberno local do BNG e o Partido Socialista "non quere que os veciños participen". Nese sentido asegura que a marcha convocada para o martes ás 20:30 horas convertirase nun "pleno aberto ós veciños: ó rematar a marcha, o pobo votará a rebaixa do IBI e as bonificacións".
Relacionadas:
-
O PP abandona o pleno de Poio ao considerarse insultado
Por Redacción |
-
O Concello de Poio acusa o PP de "alarmar e desinformar os veciños" sobre a regularización catastral
Por Oskar Viéitez |
-
O PP de Poio pide un pleno extraordinario para abordar a modificación do IBI
Por Redacción |
-
Polémico pleno en Poio coa ausencia do PP e a protesta dos traballadores de Valoriza
Por Anxo Lourido |
-
O PP solicitará un pleno extraordinario en Poio para pedir a rebaixa do IBI
Por Redacción |