Juan Gil de Araújo, reelixido como presidente da D.O. Rías Baixas
Por Redacción
Haberá continuidade á fronte do consello regulador da denominación de orixe Rías Baixas. O pleno deste organismo reelixiu a Juan Gil de Araújo como o seu presidente para o próximos catro anos.
O empresario, de 69 anos, é presidente da D.O. Rías Baixas desde 2012. É, ademais, director xeral da adega cambadesa Palacio de Fefiñanes.
A cargo da vicepresidencia estará Julio Reboredo Froiz, representante dos viticultores.
Ademais da elección do presidente e vicepresidente, o Pazo de Mugartegui acolleu este venres a constitución do pleno do consello regulador, presidido por Belén Docampo, directora xeral de Gandería, Agricultura e Industrias Agroalimentarias da Consellería do Medio Rural.
O consello estará composto por 22 vogais, elixidos tras o proceso electoral, e outros dous vogais máis delegados da Consellería do Medio Rural, que tomaron posesión das súas respectivas actas.
Relacionadas:
-
O albariño ponse de moda en Polonia
Por Redacción |
-
O Túnel do Viño e das Catas Temáticas combínase coa Festa do Albariño en Cambados
Por Redacción |
-
Éxito de exportacións da D.O. Rías Baixas, que mira con preocupación a Donald Trump
Por Mónica Patxot & Anxo Lourido |
-
Os "millennials" impulsan o consumo do albariño
Por Oskar Viéitez |