Moita retranca na "inauguración" veciñal da avenida do Generalísimo Mosquera en Verducido
Por Redacción
Veciños de Verducido levaron a cabo na tarde deste venres un acto crítico ante a decisión do Concello e da Deputación de instalar elevacións redutoras de velocidade en distintas vías do rural.
Neste caso, os veciños decidiron utilizar o humor e a ironía inaugurando a avenida do "Generalísimo Mosquera". Desta forma, os veciños cunha botella de cava para festexalo levaron a cabo a instalación dunha placa coa bandeira de España na que se podía ler a inscrición: "Avenida del Generalísimo Mosquera. Nacido en Verducido en 1912. Home dictador que sempre levou o pobo o seu lombo. O pobo non te olvidará".
Baixo a placa colgaron tamén unha pancarta coas fotografías do propio concelleiro pontevedrés, ademais doutros membros do goberno local como o alcalde Miguel Anxo Fernández Lores e o concelleiro Demetrio Gómez, ademais do deputado Uxío Benitez.
Estes veciños denuncian o abandono das vías do rural pontevedrés con deficiencias no firme, falta de mantemento e de limpeza. Por este motivo, non entenden por que motivo instálanse os lombos antes de arranxar estas estradas.
Relacionadas:
-
O PP urxe a través dunha moción que o Concello e a Deputación busquen "diálogo e consenso" no rural
Por Redacción |
-
Máis de 40 lombos redutores de velocidade para Marín e Bueu
Por Redacción |
-
Os lombos na PO-223 entre Lérez e Xeve, rexeitados só por Cidadáns
Por Alejandro Espiño & Mónica Patxot |
-
Xeve e Verducido terían máis lombos, di a Deputación, de seguir a normativa de Fomento
Por Redacción |
-
VIDEO.- O Pleno da Deputación recolle as protestas dos veciños do rural contrarios á instalación masiva de lombos
Por Oskar Viéitez & Mónica Patxot |