Acordo para evitar que os menores conflitivos ingresen na Cidade Infantil Príncipe Felipe
Por Anxo Lourido
Creada e actualizada
Creada e actualizada
A Consellería de Política Social e a Deputación Provincial asinarán un novo convenio para establecer outras pautas de admisión de menores derivados da Xunta de Galicia na Cidade Infantil Príncipe Felipe.
Na mañá deste mércores mantiñan un encontro representantes da administración autonómica coa directora xeral de Familia, María Amparo González e o delegado José Manuel Cores Tourís á fronte e os deputados provinciais Eva Vilaverde, César Mosquera e o director da Cidade Infantil Príncipe Felipe, José Ramón Couto. Nesta reunión tentábase buscar unha solución ante os últimos altercados derivados da presenza de menores conflitivos derivados pola Xunta de Galicia no centro escolar pontevedrés.
César Mosquera sinalaba que non se pode permitir que tres ou catro menores problemáticos causen problemas aos máis de douscentos escolares que asisten ás instalacións.
Eva Vilaverde indicaba que a Xunta decidiu asumir que a partir de agora serán vinculantes os informes técnicos procedentes da Deputación sobre a admisión de menores, unha situación que non se estaba producindo nos últimos anos e o centro terminaba acollendo a mozos que causaron incidentes tanto co profesorado como con outros alumnos. "Os nenos que provocan violencia non poden estar en Príncipe Felipe e os informes técnicos que así o indiquen teñen que ser vinculantes", apuntaba Eva Vilaverde.
A deputada nacionalista sinalou que nos próximos días elaborarase o borrador dun novo convenio coa Xunta de Galicia para que se teña en conta esta decisión, que é a primeira das catro propostas realizadas pola Deputación para tentar evitar a situación conflitiva actual.
OS MENORES MÁIS PROBLEMÁTICOS SERÁN RETIRADOS DO CENTRO
A directora xeral de Familia, Amparo González, recoñeceu tamén que hai un acordo para traballar no novo convenio avalándose en informes para mellorar os recursos para os menores.
González afirmou a PontevedraViva que para elaborar o borrador se terá en conta o interese superior do menor e tamén o de mellorar as condicións do Centro Príncipe Felipe.
Afirmou que se está a traballar xa para buscar unha solución para os menores que reclaman unha maior atención de maneira que deixen a Cidade Infantil. Desde a Consellería hai intención de asinar o novo convenio canto antes.
Relacionadas:
-
A Xunta pecha a Unidade de Primeira Acollida da cidade infantil Príncipe Felipe
Por Oskar Viéitez |
-
En primavera estará en marcha o plan de autoprotección no Príncipe Felipe
Por Redacción |
-
O PP aviva a polémica xa pechada por Príncipe Felipe e obriga a un pleno que custa 9.025 euros
Por Natalia Puga & Mónica Patxot |
-
Rey Varela celebra o acordo coa Deputación por Príncipe Felipe
Por Alejandro Espiño |
-
O novo plan de autoprotección do Príncipe Felipe garantirá a seguridade
Por Redacción |
-
A Xunta e a Deputación manterán unha xuntanza este xoves para tratar o conflito do Príncipe Felipe
Por Anxo Lourido |
-
A Deputación reitera a súa vontade de "erradicar" a violencia no Príncipe Felipe fronte á "campaña orquestrada polo PP"
Por Oskar Viéitez |