O PP rexeita no Parlamento dotar dunha ambulancia medicalizada á comarca do Salnés durante todo o ano
Por Oskar Viéitez
O Partido Popular rexeitou unha proposición non de lei do grupo socialista para dotar dunha ambulancia medicalizada á comarca do Salnés durante todo o ano e unha adicional para Sanxenxo durante o verán.
O portavoz de Sanidade do grupo socialista, Julio Torrado, reclamou este venres o reforzo dos servizos sanitarios de Sanxenxo cunha praza de pediatría no PAC de Baltar e a adecuación dos servizos sanitarios á época de verán.
A esta demanda sumáronse o resto dos grupos da oposición. Así a deputada de En Marea, Eva Solla defendeu na Comisión de Sanidade que o servizo de ambulancia medicalizada para a comarca do Salnés durante todo o ano, "é unha demanda histórica que non se entende que a día de hoxe siga sen ser atendida, dado que obriga aos profesionais sanitarios do PAC a desprazarse a urxencias", deixando desatendido o centro.
Sanxenxo pasa de ter 20.000 habitantes durante todo o ano a máis de 100.000 no verán, converténdose na terceira localidade de Galicia, que é atendida polo centro de saúde de Baltar a pesares das reducións e recortes de persoal aplicadas durante os últimos anos.
Relacionadas:
-
Usuarios do centro de saúde de Baltar volverán mobilizarse polas carencias
Por Oskar Viéitez |
-
O xerente do CHOP acode a Baltar para coñecer a situación do centro de saúde
Por Oskar Viéitez |
-
O Sergas nega demoras no PAC de Baltar fronte a quen denuncia que o centro de saúde está "desbordado"
Por Oskar Viéitez |
-
O 061 incorpora en Sanxenxo durante o verán unha ambulancia medicalizada
Por Redacción |
-
Os usuarios do PAC de Baltar quéixanse pola avaría do aparato de raios X
Por Oskar Viéitez |
-
O Sergas incorporará en xuño unha pediatra no centro de saúde de Baltar
Por Redacción |
-
A Valedora do Pobo considera insuficientes as explicacións do Sergas sobre a falta de pediatras en Baltar
Por Redacción |