O BNG buscará apoio no pleno para pedir á Xunta lombos en Lérez e Xeve
Por Diego Espiño
O goberno local de Pontevedra quere pedir á Xunta de Galicia que impoña medidas de acougado de tráfico na PO-223, estrada que une Pontevedra e Campo Lameiro, ao seu paso polas parroquias de Lérez e Xeve.
Por ese motivo o BNG levará ao próximo pleno municipal unha moción en busca do apoio dos demais grupos da corporación, ante o que entenden como un importante problema de seguridade viaria nas zonas máis urbanas "nas que vive moita xente e hai duás instalacións sanitarias, colexios ou ou parque da Bouza", sinalou o concelleiro Demetrio Gómez.
En concreto a moción solicitará á Xunta, titular da vía, que se impoña a limitación máxima de 30 quilómetros por hora e se intalen 'lombos' nos lugares máis sensibles entre Porta da Coxa e Fragoso, ademais de habilitar máis beirarrúas ou sendas que garantan a seguridade do peón.
"En Lérez sería case todo", explicou o edil, aínda que dependería do mesmo xeito que no tramo de Xeve dos informes técnicos que se elaboren respecto diso.
Demetrio Gómez compareceu para explicar a moción do seu grupo acompañado de representantes veciñais, xa que se pactou coa Asociación de Veciños de Lérez e a Recreativa de Xeve.
A estrada entre Pontevedra e Campo Lameiro é unha vía que xerou polémica nos últimos anos pola súa alta sinistralidade, ata que se acometeron traballos para mellorar o seu agarre. "Iso se resolveu pero non a velocidade", defendeu Miguel Vilacoba, representante veciñal, criticando que a administración autonómica "parece que só se acorda da estrada cando chega o San Benito".
Relacionadas:
-
Os lombos na PO-223 entre Lérez e Xeve, rexeitados só por Cidadáns
Por Alejandro Espiño & Mónica Patxot |
-
Acordo político para regular os plenos a partir de setembro
Por Alejandro Espiño |
-
Xeve e Verducido terían máis lombos, di a Deputación, de seguir a normativa de Fomento
Por Redacción |
-
Castelao defende os lombos no rural e reclama que se coloquen por criterios técnicos
Por Redacción |
-
Pontevedra regulará os lombos, avisa Moreira, "porque es lo que quieren los vecinos"
Por Alejandro Espiño |