O man a man entre os irmáns Rivera Ordóñez, estrela do cartel de touros da Peregrina
Por Ramiro Espiño
Custa reunilos nun mesmo cartel, pero a empresa da praza de touros de Pontevedra conseguiuno e a feira taurina da Peregrina terá como un dos seus pratos fortes un man a man entre os irmáns Rivera Ordóñez, Francisco "Paquirri" e Cayetano. Así o anunciou este martes Eduardo Lozano na presentación do cartel completo dunha feira que mantén tres festexos, definidos polo empresario como de "Figuras, mediáticos e revelacións".
Nesta edición a feira terá dous aperitivos. O primeiro terá lugar o sábado, día 17 de xullo, ás 19:00 horas como a totalidade de festexos, cun tentadero a cargo dos destros Juan del Álamo e Álvaro Lorenzo, que terá carácter gratuíto para todos os afeccionados, coa única condición de retirar a correspondente invitación na praza, e o segundo co Concurso de recortadores, que este ano será previo ás tres corridas sinaladas e celebrarase o sábado, día 5 de agosto, con prezos a partir dos 8 euros.
A primeira de feira será para os considerados como figuras consagradas. O domingo día 6 de agosto volve a San Roque Antonio Ferrera, toureiro que está a completar quizais una das mellores tempadas da súa carreira, acompañade de todo un clásico como Julián López "O Juli" e o peruano Roca Rey, que repite presenza tras o seu debut o ano pasado. Lidarán touros de Alcurrucén. Nesta primeira corrida, segundo anunciou Eduardo Lozano, antes do comezo gardarase un minuto de silencio en memoria do destro vasco-galego, Iván Fandiño, recentemente falecido nunha tráxica colleita.
O sábado 12 de agosto terá lugar o festexo mixto co rejoneador Diego Ventura repetindo presenza no cartel considerado dos "mediáticos", no que terá lugar o inédito (en Pontevedra) man a man entre os irmáns "Paquirri" e Cayetano. O cabaleiro lidará touros dos Espartales, mentres que os Rivera Ordóñez terán gañado de María Loreto Charro Santos.
Pechará a fería a tarde das "revelacións", con touros de Santiago Domeq para os destros Juan del Álamo e Ginés Marín, ambos os triunfadores en San Isidro, acompañados de Álvaro Lorenzo.
Os prezos mantéñense igual un ano máis, aínda que cunha innovación para persoas en situación de desemprego e novos. Os primeiros poderán acceder cun prezo de 25 euros por festexo, mentres que os segundos farano por 15 euros. Ademais, os menores de 18 anos poden conseguir un abono especial para os tres corridas por un prezo total de 30 euros.
A renovación de abonos será entre o 17 e o 20 de xullo; os novos abonos os días 21 e 22 de xullo; e as entradas soltas poderanse adquirir a partir do 24 de xullo.
Mencionar tamén que o cartel desta edición conta cunha achega especial, ao estar confeccionado cunha ilustración do afamado pintor e escultor colombiano Fernando Botero, gran afeccionado aos touros e amigo de Eduardo Lozano, que cedeu á empresa os dereitos de utilización da imaxe.
Relacionadas:
-
RADIO.- Segunda cita coa Feira Taurina en PontevedraViva Radio
Por Marisa Ciordia |
-
Antonio Ferrera reencóntrase coa afección pontevedresa tras nove anos de ausencia
Por Marisa Ciordia |
-
Da Roma clásica a Darth Vader e o seu séquito na praza de touros
Por Marisa Ciordia & Diego Torrado |
-
Un concurso de recortadores abre este sábado a feira taurina da Peregrina
Por Redacción |
-
RADIO.- As Conversas na Ferrería inician o seu "ciclo taurino"
Por Marisa Ciordia |
-
Os afeccionados taurinos máis novos fan repuntar a venda de abonos para a Feira da Peregrina
Por Marisa Ciordia |
-
Comeza a renovación de abonos para a feira taurina tras un concorrido tentadero
Por Redacción |
-
Os antitouradas ven "bastante preto" o final dos touros en Galicia e sairán á rúa a pedilo
Por Alejandro Espiño |
-
Denuncian ante a Valedora do Pobo o abono taurino para menores da Feira da Peregrina
Por Oskar Viéitez |
-
Os abolicionistas lanzan unha ofensiva para impedir un tentadeiro en Pontevedra
Por Oskar Viéitez |
-
Así viviron as peñas os festexos taurinos dentro da praza
Por Diego Torrado |
-
Por falta de xenerosidade que non sexa
Por Diego Torrado & Marisa Ciordia |
-
Botádeme unha manciña!
Por Diego Torrado & Marisa Ciordia |
-
Tres foron tres (orellas) e ningún (touro) era bo
Por Marisa Ciordia & Diego Torrado |
-
'Savia' nova para a feira taurina da Peregrina
Por Marisa Ciordia |