Izadas as bandeiras azuis e preparados os socorristas, empeza a tempada de praias
Por Oskar Viéitez
Este 1 de xullo foron numerosos os alcaldes que aproveitaron para achegarse ás praias dos seus municipios para dar o pistoletazo de saída á tempada de praias.
O rexedor de Poio, Luciano Sobral acudiu ao areal marisqueiro de Cabeceira para facer ondear a insignia e o de Ponte Caldelas, Andrés Díaz, acompañado de varios membros do goberno local, acudiu á praia da Calzada que xa loce o distintivo azul despois dos últimos traballos de posta a punto.
O alcalde e os concelleiros colocaron tamén a placa que sinala o sendeiro azul, que é o roteiro circular que parte deste punto e percorre algunhas da máis fermosas paraxes do río Verdugo.
Outro carreiro que tamén presume de ser azul é o Centro de Interpretación dos Petróglifos de Mogor recoñecido co distintivo por parte de ADEAC organismo que outorga estes galardóns.
E en Sanxenxo unha quincena de praias contan desde este sábado con vixilancia, de modo que se completa o servizo que desde mediados de mes ofrecíase en Silgar, Baltar, Areas e Montalvo.
Relacionadas:
-
Os socorristas atenderon en xullo 507 picaduras de fanecas nas praias de Sanxenxo
Por Redacción |
-
A conselleira do Mar destaca a excelencia do porto náutico de Portonovo no izado da bandeira azul
Por Diego Torrado |
-
Sanxenxo iza as bandeiras azuis nas súas praias
Por Redacción |
-
Marín xa presume de bandeiras azuis
Por Redacción |
-
Máis de 60 persoas vixiarán as praias de Sanxenxo durante este verán
Por Redacción |
-
Ponte Caldelas ultima os preparativos para a tempada de baño na praia da Calzada
Por Redacción |