Medio Rural dá luz verde á instalación de asadores no Lago de Castiñeiras
Por Redacción
A Consellería do Medio Rural confirmou ao Concello de Marín a autorización para instalar asadores na zona recreativa do Lago de Castiñeiras, a pesar de ser unha zona declarada de alto risco de incendios forestais, especialmente durante o verán.
Esta actuación está contemplada na actualización do Plan de Prevención e Defensa contra Incendios de Galicia (PLADIGA).
Medio Rural deu o visto e prace aos asadores como proxecto piloto para comprobar a seguridade dunha edificación deseñada especificamente para preparar alimentos con lume dentro dunha área recreativa, de tal modo que se a experiencia resulta satisfactoria empezaría a autorizar o seu emprego noutros municipios que se atopan en zonas de risco de incendios.
Segundo indica a administración autonómica, este proxecto piloto executaríase xa este mesmo ano 2017.
Desta forma Marín poderá cumprir coas demandas de veciños e usuarios cunha iniciativa que busca o equilibrio entre o dereito dos cidadáns de gozar do medio ambiente coa necesidade de previr a ameaza dos incendios forestais, sobre todo en épocas de alto risco.
Relacionadas:
-
En Castiñeiras xa cheira a churrasco
Por Cristina Saiz & Natalia Puga |
-
Inician as obras dos novos asadores do Lago de Castiñeiras
Por Redacción |
-
Así serán os novos asadores do Lago de Castiñeiras
Por Oskar Viéitez |
-
Xa está aquí o plan de mellora da contorna do Lago de Castiñeiras
Por Redacción |
-
Denuncian que a Xunta mantén abandonado o Lago de Castiñeiras
Por Redacción |