Difusión Felina, obrigada a frear a recollida de gatos abandonados en Pontevedra ante a falta de casas de acollida
Por Redacción
A asociación Difusión Felina viuse obrigada a frear a recollida de gatos abandonados en Pontevedra por dous motivos: falta de espazo en casas de acollida e de fondos económicos para soster todos os gatos que xera. A decisión adoptárona ao verse desbordados con máis de 40 animais baixo a súa tutela.
A entidade pide colaboración cidadá ante o momento "delicado" que atravesan. É unha situación habitual nesta época do ano, na que adoitan verse completamente desbordados debido ao incremento de abandonos. Este ano suspenderon as acollidas fai ao redor dun mes porque, a diferenza dos anteriores, o número de adopcións reduciuse máis dun 60%. Houbo máis dun centenar de abandonos e só atoparon familia para 40.
Segundo explican desde o colectivo, o aumento de abandonos e redución das adopcións "incapacítaos a poder seguir recollendo gatos abandonados" a non ser que aparezan máis casas de acollida, de modo que fan un chamamento á cidadanía. Indican que entre os 40 gatos que teñen baixo a súa tutela hai tanto animais adultos como crías e de todos os tamaños e carácter.
Difusión Felina noi dispón de ningún refuxio nin lugar onde atender aos gatos que non sexan as súas propias casas e as de voluntarios e colaboradores, que actualmente se atopan completamente desbordadas, por iso é polo que necesitan "urxentemente" persoas que acollan gatos o tempo que poidan, desde unha semana a varios meses.
Ademais, lembran que a asociación corre con todos os gastos veterinarios e de manutención dos animais, de modo que as persoas que se ofrezan neste caso só terán que brindarlle un fogar mentres non atopen unha familia para o gato.
Calquera persoa interesada en adoptar, facer de casa de acollida, ou colaborar coa asociación, pode poñerse en contacto con eles en difusionfelinapontevedra@gmail.com ou mediante mensaxe na súa páxina de Facebook.
Relacionadas:
-
Difusión Felina pecha a entrada de novos gatos
Por Oskar Viéitez |
-
Animalistas alertan da presenza de elementos "posiblemente" tóxicos na Horta do Cura para eliminar gatos
Por Redacción |
-
Lanzan catro gatiños polo portelo dun coche en Lourido
Por Oskar Viéitez |
-
Piden non regalar animais no Nadal: un 40% abandónanse tras varios meses
Por Redacción |
-
A Deputación asina un convenio co colexio de veterinarios destinado ao benestar animal
Por Redacción |
-
O control das colonias felinas de Pontevedra, protagonista dunha nova campaña animalista
Por Redacción |
-
VÍDEO.- Denuncian o abandono de 19 gatos nunha semana, 15 en bolsas atadas en colectores
Por Natalia Puga |
-
Denuncian o envelenamento dunha colonia de gatos en Médico Ballina
Por Redacción |