Os hospitais Montecelo e Provincial recolleron 11.150 quilos de residuos citotóxicos
Por Redacción
O Complexo Hospitalario de Pontevedra conta desde hai un ano cun innovador sistema de bioseguridade sanitaria para residuos citostáticos coa finalidade de asegurar as áreas produtoras destes restos protexendo aos traballadores e pacientes. A adopción desta medida de seguridade afróntase nos puntos de xeración de residuos especiais ou citotóxicos dos hospitais Montecelo e Provincial.
A conxelación funciona como método eficaz e de seguridade, segundo o Sergas, que instalou uns colectores específicos como medida de illamento destes residuos.
Implantáronse dúas unidades no Hospital de Día Oncolóxico do Provincial e outras dúas na planta de Hospitalización Oncolóxica. No Hospital Montecelo, dúas unidades destináronse ao Hospital de Día Oncohematolóxico, outras dúas ao servizo de Farmacia Hospitalaria e outras dúas para Urología. As áreas de Hematología e o laboratorio de Anatomía patolóxica foron dotadas con dous colectores de frío.
A medio prazo contémplase a súa instalación noutras áreas dos hospitais.
O volume total de residuos citotóxicos retirado a finais de 2016 ascendía a 11.150 quilos. Son residuos que destrúen as células vivas, compostos por restos de medicamentos citotóxicos e todo material que estivese en contacto con eles, e que presentan riscos carcinoxénicos, mutaxénicos e teratoxénicos.