Os raparces prefiren ir en bicicleta pola beirarrúa por seguridade
Por Oskar Viéitez
Unha enquisa realizada pola asociación Pedaladas entre estudantes dos institutos Sánchez Cantón e Frei Martín Sarmiento con motivo da súa campaña "Ao Insti en bicicleta" revela que a maioría de ciclistas perciben unha falta de seguridade na calzada, motivo polo que prefiren circular pola beirarrúa.
Segundo esta enquisa tan só o 4,3% dos 117 alumnos que responderon a sondaxe acode aos centros en bicicleta e os que non empregan este medio de transporte evitan utilizalo por "falta de seguridade percibida" (un 51%), ou por non precisar dela (un 26%) xa que acoden andando, en coche ou en autobús.
Os responsables de Pedaladas sinalan que "aínda que Pontevedra sexa zona 30, os mozos fan uso das beirarrúas na metade dos casos" e insisten en que "o 71% ou utiliza as beirarrúas do centro ou pensa que é preciso crear carrís-bici e apenas un 30% considera seguro compartir espazo cos automóbiles".
Outros datos rechamantes da enquisa son que o 54% dos estudantes ciclistas que responderon a sondaxe senten "respectados" polos condutores, e que un 19% nunca usa o casco e outro 24% só ás veces.
Relacionadas:
-
O programa Ao InstienBici de Pedaladas segue a crecer
Por Redacción |
-
A recadación da carreira popular 'Ponle Freno' irá destinada "integramente" a Pedaladas
Por Diego Espiño |
-
Masa Crítica, indignada ante a prohibición de circular en bicicleta pola Senda da Ostreira en Poio
Por Redacción |
-
A Pedalada percorre a cidade reclamando que remate a violencia viaria
Por Diego Torrado |
-
A Deputación convoca a mesa provincial da bicicleta
Por Redacción |
-
No día mundial da bicicleta, o ciclismo en Pontevedra está de loito
Por Oskar Viéitez & Mónica Patxot |