Só queda entregar o talón para que o Concello adquira o novo local municipal
Por Redacción
A Xunta de Goberno de Pontevedra aprobaba este luns a compra das oficinas da rúa Ferreiros, fronte á rotonda de Concepción Arenal. Os únicos trámites que faltan, segundo o portavoz do goberno local Raimundo González, son os da entrega do talón e as xestións notariais.
A compra realizaríase por unha cifra de 1.152.000 euros e o Concello de Pontevedra quedaría cun espazo de 1.316 metros cadrados no que se instalarán os servizos de Urbanismo e de Recadación.
Raimundo González indicou que os técnicos xa visitaron as instalacións e agora desenvolverán un programa de necesidades e tamén un diagrama de fluxo de persoal. Ademais redactarán o proxecto que, desde o goberno local, se calcula estará finalizado en dous meses para, a continuación, contratar a obra. O portavoz afirmou que se están cumprindo os prazos previstos.
O espazo tamén será sometido a obras para que sexa totalmente accesible e estudaranse fórmulas para que o ascensor do edificio sexa independente das oficinas municipais.
Desde o goberno local enténdese que este novo local supoñerá unha mellora na atención da cidadanía, ademais de ofrecer maior comodidade para os funcionarios.
Relacionadas:
-
A nova sede municipal dos Ferreiros estará operativa a mediados de 2019
Por Alejandro Espiño |
-
O acondicionamento das oficinas municipais de Ferreiros custará outro millón de euros máis
Por Oskar Viéitez |
-
O local dos Ferreiros xa é de propiedade municipal
Por Alejandro Espiño |
-
Moreira esixe ao goberno municipal deter a compra do local de Ferreiros
Por Redacción |
-
O PP propón que se constrúa un edificio na rúa da Barca para acoller as oficinas municipais
Por Anxo Lourido |
-
A unión entre BNG e Marea permite aprobar a renda social básica e a compra do local en Ferreiros
Por Alejandro Espiño & Mónica Patxot |
-
O PP propón que o Concello concentre os servizos municipais na antiga Delegación de Facenda
Por Anxo Lourido |
-
A compra do novo local do Concello é "inmediata"
Por Alejandro Espiño |