O goberno local de Cuntis reúnese cos empresarios locais e os da Estrada
Por Oskar Viéitez
O alcalde de Cuntis, Manuel Campos, e a concelleira Conchy Campos mativeron na noite do xoves a primeira reunión de traballo coa asociación de empresarios da Estrada. Esta reunión tivo lugar na Casa da Cultura e a ela asistiron unhas vinte persoas de distintos sectores do empresariado de Cuntis.
Entre outros temas falaron dos programas a emprender entre a asociación de empresarios da Estrada co sector empresarial de Cuntis, tamén do desenvolvemento do solo industrial e das melloras na estrada N-640, a autovía entre Santiago - A Estrada e os accesos á autoestrada AP-9 .
Tamén se expuxeron diversas cooperacións en proxectos de agricultura ecolóxica e agrogandeira e en materia de turismo entre os dous concellos. Así, os empresarios da Estrada destacaron o potencial turístico da zona e a oferta lúdica deportiva e cultural do Concello de Cuntis.
Dende o grupo de goberno manifestaron que son moi positivos este tipo de encontros e comprometeronse a traballar conxuntamente para acadar os maiores obxetivos para os dous concellos.