Expectación en Ponte Caldelas ante o seu primeiro desfile de entroido en xuño
Por Redacción
É o primeiro ano que Ponte Caldelas desdobra o seu entroido, cunha edición de inverno baixo teito e outra de verán que terá o seu gran día de celebración o vindeiro sábado 17 de xuño.
É a data na que se celebrará o gran desfile de entroido, que segundo o goberno local, está provocando "numerosas chamadas de petición de información desde diferentes puntos de Galicia", o que fai pensar nunha alta participación de grupos e comparsas.
As inscricións, abertas ata o próximo día 15 de xuño, marchan "a bo ritmo", estando as bases do desfile e premios na web do Concello.
Neste aspecto, os premios, o importe total destinado para ese efecto chega aos 4.000 euros. Así, na categoría de comparsas os cinco primeiros clasificados levarán 1.000, 600, 450, 400 e 350 euros de recompensa, mentres en grupos os premios serán de 300, 250, 200, 150 e 120 euros e para disfraces individuais ou de parella de 100, 70 e 50 euros aos tres primeiros clasificados.
"Agardamos unha gran afluencia de xente de toda a bisbarra e tamén de Pontevedra e Vigo, porque teremos un evento que se significa e supón unha alternativa de lecer moi interesante para ese día", sinalou o alcalde Andrés Díaz.
Outra das novidades do desfile será o seu lugar de saída, xa que partirá desde o Paseo da Calzada ás 21:00 horas. Despois, a festa continuará cunha actuación musical na Alameda a cargo da orquestra Foliada.
Relacionadas:
-
O Entroido de Ponte Caldelas desdóbrase: baixo teito en inverno, na rúa no verán
Por Redacción |
-
Caloroso entroido en Ponte Caldelas
Por Oskar Viéitez |
-
As festas de Ponte Caldelas, unha medicina contra o aburrimento
Por Redacción |
-
Ponte Caldelas repartirá 4.000 euros en premios no seu entroido de verán do 17 de xuño
Por Redacción |
-
Ponte Caldelas prepárase "en familia" para o seu Entroido de verán
Por Redacción |