Para 'pinchos morunos', os de Bora
O 'pincho moruno' volveu a reinar, gastronómicamente falando, en Bora. Numerosas persoas achegáronse este sábado ata o campo de Santa Lucía para asistir á cuarta edición da Festa do Pincho Moruno.
Durante esta festa, organizada por Os Amoriños de Bora, servíronse unhas 1.200 racións deste prato.
A degustación comezou ás doce do mediodía e estivo amenizada polo grupo de gaitas Os Fervellos do Pío e a charanga Charandonga.
Ademais, a festa contou con numerosas actividades complementarias como unha masterclass de zumba e obradoiros de maquillaxe e globoflexia para os nenos. Tamén houbo tempo para que os asistentes puidesen ver a final da Champions League en pantalla grande.
Xa pola noite, a Festa do Pincho Moruno despediuse ata o próximo ano cunha gran verbena amenizada pola orquestra América e unha discoteca móbil.