Un sábado 'a pé de rúa' cos comerciantes de Cruz Gallástegui
Por Alejandro Espiño
Con descontos ata superiores ao 50% chegou a campaña A Pé de Rúa a Cruz Gallástegui. As tendas do barrio tomaron o espazo público para participar nesta iniciativa que pretende poñer en valor o comercio de proximidade.
Todos os comerciantes da rúa colaboraron con esta actividade, que se desenvolve baixo o paraugas da marca Capital Shopping.
Nestes establecementos os clientes puideron atopar importantes descontos nos seus produtos e a xornada estivo animada con diferentes promocións e actividades na rúa.
Así, un obradoiro infantil ou un concerto da banda Iñaki & Garfunkel fixo as delicias de nenos e maiores. Ademais, todos os comercios sacaron stands á rúa para expoñer os seus produtos e achegarse á xente que acudiu a esta cita festiva.
A Pé de Rúa para coa chegada do verán e volverá en setembro con máis actividades e festa nas distintas zonas comerciais da cidade.
Relacionadas:
-
Cruz Gallástegui, de novo en obras para reforzar o seu carácter peonil
Por Redacción |
-
San Antoniño e Barcelos, escenario dunha programación cultural para impulsar o comercio
Por Alejandra Iannone |
-
O comercio local "planta cara" ao Black Friday
Por Alejandro Espiño |
-
'Rizando o rizo' en plena rúa Michelena
Por Diego Espiño |
-
O 90% dos comercios das galerías Oliva promoven os seus negocios con 'A Pé de Rúa'
Por Redacción |
-
O Capital Shopping saca 31 comercios á rúa con descontos e actividades para todos os públicos
Por Redacción |