Vinte e tres empresas optan a construír o campo de herba sintética de Cerponzóns
Por Alejandro Espiño
Un total de vinte e tres empresas presentaron as súas ofertas para adxudicarse o contrato de construción do campo de fútbol de herba sintética de Chan do Monte (Cerponzóns), segundo desvelou o goberno municipal.
Así consta tras a apertura de ofertas na mesa de contratación celebrada no Concello.
As ofertas presentadas oscilan entre os 755.193 euros e os 1.027.893 euros. Os técnicos analizarán agora as propostas, para descartar posibles baixas temerarias.
O goberno municipal celebra que a práctica totalidade das ofertas inclúan as melloras propostas no proceso de adxudicación, valoradas nuns 150.000 euros.
Iso implica que o Concello confirma que a garantía de mantemento do novo campo pasará dun a cinco anos, que se instalará un valo perimetral, renovarase toda a iluminación exterior e habilitarase unha pista exterior multideporte.
Raimundo González lembrou que, tras a reforma integral do campo actual, as instalacións quedarán habilitadas para fútbol 11, pero ao mesmo tempo terá espazo suficiente para dividir o terreo en dous, para a práctica de fútbol 7.
Ademais, o campo contará cun edificio de 392 metros cadrados, no que se situarán dous vestiarios para os árbitros e catro para os deportistas e outro inmoble de 72 metros cadrados, destinado a aseos e a cantina.
O prazo de execución da obra é de seis meses, polo que o Concello espera que poida estar executada antes de final de ano.
Relacionadas:
-
O campo de fútbol de Cerponzóns estará listo en abril
Por Noelia Torres Pintos |
-
Os clubs exercerán de bedeis nos campos de fútbol municipais
Por Redacción |
-
Presentan o proxecto do novo campo de fútbol de Campañó
Por Diego Espiño |
-
Sacan a licitación a construción do novo campo de futbol de Xeve
Por Redacción |
-
O PP ve "pouco ambicioso" o campo de fútbol de Cerponzóns e denuncia o seu atraso
Por Redacción |
-
Cerponzóns agarda ter novo campo de fútbol de herba sintética antes de fin de ano
Por Redacción |
-
Lores e Carmela Silva asinan o convenio para os campos de fútbol en Xeve e Cerponzóns
Por Alejandro Espiño & Mónica Patxot |