A Ferrería converterase nun gran bosque de eucaliptos
Por Oskar Viéitez
A Praza da Ferrería converterase este sábado nun gran bosque de eucaliptos para denunciar a "invasión" desta especie en Galicia e para reclamar o fin da "impunidade" coa empresa pasteira Ence e o "vale todo" en política ambiental.
O acto foi convocado pola 'Rede Cousas de Raíces', integrada pola Asociación pola Defensa da Ría de Pontevedra (APDR), Adega e a Federación Ecoloxista Galega.
Os organizadores achegarán máis de 200 exemplares para esta "plantación" simbólica pero animan á cidadanía a que contribúa levando máis eucaliptos a esta rechamante forma de protesta organizada en torno ao Día do Medio Ambiente, que se conmemora cada 5 de xuño.
María Rodríguez Lafuente de ADEGA, sinalou que a "eucaliptización" de Galicia está "promovida" pola empresa Ence.
Neste sentido, Benito Andrade, representante da Federación Ecoloxista Galega, advertiu que o eucalipto se estende por case 400.000 hectáreas en Galicia e representa o 28 por cento da masa arborizada da Comunidade Autónoma polo que alerta que é "urxente" deter a súa expansión.
Sinalan que os eucaliptos son unha especie invasora e provocan a desaparición de masas boscosas de elevado valor tanto ambiental como sociocultural ou patrimonial e que ao ser plantas pirófitas, favorecen os incendios forestais.
Relacionadas:
-
Os eucaliptos 'toman' A Ferrería para denunciar a "catastrófica" situación do monte galego
Por Alejandro Espiño |
-
O Grove xa é municipio libre de eucaliptos
Por Redacción |
-
Volve a rifa ao Pleno da Deputación de Pontevedra
Por Oskar Viéitez & Mónica Patxot |
-
Marea Pontevedra propón eliminar os eucaliptos que se atopen a menos de 50 metros das casas
Por Diego Espiño |
-
Anova Terra culpa a Xunta de deixar que Ence marque a política forestal espallando o eucalipto
Por Mónica Patxot & Anxo Lourido |
-
Bueu aproba unha moción para reducir o eucalipto nos montes
Por Redacción |
-
Estudantes de Praceres limpan de eucaliptos o monte de Lourizán
Por Redacción |