Os comerciantes de Cuntis desfilan pola pasarela
Por Redacción
Cuntis acolleu esta fin de semana a celebración da primeira Fin de Semana da Moda, un evento organizado por dúas emprendedoras cuntienses que contou coa colaboración do Concello de Cuntis, a asociación Cuntis Comercial Vila Aberta (Cucoba) e a Deputación de Pontevedra.
No desfile participaron dezanove tendas de roupa, complementos e calzado, cinco salóns de peiteado e tres de estética de Cuntis, Caldas de Reis, Barro, A Estrada e Moraña.
Desfilaron máis de 150 modelos que amosaron ao público as últimas tendencias en moda nupcial e de comuñón, atelier de alta costura e sombreirería, tocados, lencería, moda de baño, infantil, deportiva, calzado, gafas de sol e outros complementos, ademais de propostas de maquillaxe corporal.
A velada estivo amenizada por dous grupos de música e baile tradicionais: Hai que Roelo e a Agrupación Municipal de Música y Baile Tradicional de Cuntis. A ambientación musical do desfile correu a cargo de Dj Arial White.