O 'skatepark' estará no campus
Por Alejandro Espiño
O 'skatepark' de Pontevedra parece que, por fin, xa ten un destino definitivo. O Concello vén de pechar coa Universidade de Vigo un acordo para instalar este equipamento no campus da Xunqueira, segundo confirmaron desde o goberno municipal.
A estrutura estaría situada na parcela de entrada ao recinto universitario, dende a rúa Celso Emilio Ferreiro á man esquerda.
Á espera de pechar o proxecto técnico, o Concello aplaude este acordo xa que considera o campus da Xunqueira o lugar máis acaído para situar unha instalación destas características.
Desde as concellarías de Xuventude e Obras, que promoven esta actuación conxuntamente, destacan a conexión da cidade cos centros educativos e universitarios. Ademais, sinalan que esta instalación reforzará o ámbito da Xunqueira como espazo de lecer, esparexemento e deporte escollido polos pontevedreses para gozar das súas horas libres.
O Concello agarda que acordo coa universidade sexa o pulo definitivo deste ansiado proxecto por parte dos colectivos de skaters da cidade.
Con esta situación, o proxecto parece desbloquearse tras anos dando voltas polos despachos municipais.
Inicialmente pensárase en instalalo nos baixos da ponte da autoestrada, en Mollabao, pero a negativa do Ministerio de Fomento, propietario dos terreos, frustrou o proxecto. Tampouco saíu adiante a idea de situalo no ámbito da Xunqueira de Alba, con igual resultado por parte de Costas.
Neste mesmo mandato, o Concello chegara a anunciar unha ambiciosa actuación na pasarela de Doce de novembro, pero aseguran que problemas de carácter técnico, pola incompatibilidade da instalación coa cuberta do tren, fixeron tamén desbotar esta opción.
Relacionadas:
-
Encargan o proxecto para acondicionar a nova pasarela de 12 de Novembro
Por Alejandro Espiño |
-
Un estudo de arquitectura catalán deseñará o skatepark do campus
Por Alejandro Espiño |
-
VÍDEO.- Bronca entre veciños e skaters na apertura do skatepark provisional de Mollabao
Por Cristina Saiz & Anxo Lourido |
-
Este mércores inaugurase un skatepark provisional en Mollabao ante o malestar veciñal
Por Cristina Saiz & Anxo Lourido |
-
O Partido Popular reclama unha solución para as cubertas de 12 de Novembro
Por Redacción |
-
A universidade valora o efecto "positivo" que terá o skatepark ao "revitalizar" o campus
Por Natalia Puga & Alejandro Espiño |
-
Para o PP a nova localización do skatepark supoñería "hipotecar" a última parcela do campus
Por Redacción |
-
Buscan nova localización para o 'skatepark' tras descartarse crealo en 12 de Novembro
Por Natalia Puga |
-
O PP preguntará pola creación do skatepark no vindeiro pleno
Por Redacción |
-
Un 'skatepark' de 1.000 metros cadrados, principal atractivo da nova pasarela
Por Alejandro Espiño & Cristina Saiz |
-
O PP concreta o seu propio proxecto de 'skatepark' para 12 de novembro
Por Alejandro Espiño |