O tripartito de Sanxenxo salta polos aires e coloca a Telmo Martín preto da Alcaldía
Por Redacción
O Partido Popular está preto de recuperar a Alcaldía de Sanxenxo. O tripartito, formado por SAL, BNG e PSOE, saltou polo aire polas súas discrepancias internas. O alcalde, Gonzalo Pita, ten previsto cesar este venres aos concelleiros nacionalistas e socialistas que forman parte do goberno municipal. Explicarao posteriormente nunha rolda de prensa.
A intención de Pita é negociar un novo pacto de goberno co PP de Telmo Martín. Segundo explica o xornalista Fernando Martínez en Faro de Vigo, ambas as formacións reuníronse este xoves para avanzar nos termos do seu acordo. En principio, todo apunta a que SAL cedería a Alcaldía aos populares.
Este hipotético novo goberno estaría formado polos oito edís do PP e por tres dos catro concelleiros de SAL. Na asemblea que este partido celebrou o pasado mércores para explicar aos seus afiliados a situación, a edil Vanessa Rodríguez, responsable de Seguridade Cidadá, mostrou o seu rexeitamento ao acordo cos populares e podería non seguir no executivo.
O detonante da ruptura do tripartito parece ser a reforma da avenida Luís Rocafort, unha obra impulsada pola Deputación e á que se opoñía, nos seus termos actuais, o alcalde, Gonzalo Pita. A actuación era defendida polos seus socios de goberno. Estas discrepancias fixéronse públicas nas últimas semanas, con reproches desde ambos os bandos.
Con esta decisión ponse fin a un goberno municipal que, xa en maio de 2016, apenas un ano despois das eleccións, perdía a maioría absoluta ao abandonalo Roberto Agís, concelleiro de Sanxenxo Pode, tamén por problemas co resto dos seus compañeiros.
Telmo Martín sitúase así moi preto de ser alcalde de Sanxenxo por terceira vez. Xa o foi entre os anos 1999 e 2006, antes de tentar sen éxito desbancar a Miguel Anxo Fernández Lores e ao BNG da Alcaldía de Pontevedra en dúas ocasións. Nas eleccións municipais de 2015 regresou a Sanxenxo para substituír a Catalina González á fronte da candidatura do PP.
Relacionadas:
-
A avenida Luis Rocafort xa pertence, de maneira oficial, ao Concello de Sanxenxo
Por Redacción |
-
A polémica reforma de Luis Rocafort dá paso a unha nova avenida
Por Redacción |
-
VÍDEO.- Gonzalo Pita deixa a Alcaldía entre reproches e protestas, pero con brinde final
Por Natalia Puga & Mónica Patxot |
-
Pontón pide a Feijóo que pare o "pelotazo á democracia" coa "moción de censura encuberta" en Sanxenxo
Por Oskar Viéitez |
-
Sanxenxo e Portonovo, alagados de panfletos contra Gonzalo Pita e outros tres concelleiros
Por Redacción | Creada e actualizada
-
O PP provincial, a Carmela Silva: "É a primeira vez que unha Deputación colabora para destruír un goberno"
Por Redacción |
-
Telmo Martín: "Con este pacto estase a corrixir un erro que cometeu o PP no 2011"
Por Oskar Viéitez |
-
"Que ninguén se atreva", advirte Carmela Silva, a culpar á Deputación do ocorrido en Sanxenxo
Por Alejandro Espiño |
-
"O concepto de lealdade que el entende é apuñalar por detrás aos seus socios de goberno e xurar pleitesía a Telmo Martín"
Por Oskar Viéitez |
-
Pita asina un pacto de goberno co PP e entrega a alcaldía de Sanxenxo a Telmo Martín
Por Oskar Viéitez |
-
Deputación e Sanxenxo botan un pulso polos aparcadoiros en Luís Rocafort
Por Oskar Viéitez |