O Sergas incorporará en xuño una pediatra no centro de saúde de Baltar
Por Redacción
O centro de saúde de Baltar contará cunha segunda pediatra, a partir do mes de xuño. Así o anunciou o Servizo Galego de Saúde, apenas un día despois de que a valedora do pobo considerara insuficientes as explicacións do Sergas sobre a atención pediátrica no centro.
A través dun comunicado, o Sergas recorda que a atención pediátrica ordinaria en Sanxenxo conta con dúas prazas asignadas, das que unha está ocupada por un pediatra e a outra dispón dende xaneiro dun médico de familia, que tamén dispón dunha sólida formación no eido da Pediatría -xa que as asistencias infantís figuran dentro das competencias da súa especialidade-.
Non obstante, será a partires de xuño cando dito facultativo ceda a asistencia infantil de Atención Primaria á pediatra, mantendo así as dúas prazas cubertas con pediatras.
A autoridade sanitaria sinala que, a maiores desta cobertura ordinaria, o centro de saúde de Baltar conta cun Punto de Atención Continuada (PAC) que referencia as atencións pediátricas de urxencia ao Hospital Provincial do Complexo Hospitalario Universitario de Pontevedra.
O Sergas engade que dará continuidade informativa ás argumentacións técnicas, asistenciais e poboacionais aportadas á valedora do pobo sobre a cobertura de profesionais de Pediatría deste centro de atención primaria.
Relacionadas:
-
Sanidade comprométese a buscar solucións á falta de pediatras en Baltar
Por Redacción |
-
O Sergas nega demoras no PAC de Baltar fronte a quen denuncia que o centro de saúde está "desbordado"
Por Oskar Viéitez |
-
O PP rexeita no Parlamento dotar dunha ambulancia medicalizada á comarca do Salnés durante todo o ano
Por Oskar Viéitez |
-
Os usuarios do PAC de Baltar quéixanse pola avaría do aparato de raios X
Por Oskar Viéitez |
-
Montecelo despide os últimos residentes e dá a benvida os novos
Por Redacción |
-
A Valedora do Pobo considera insuficientes as explicacións do Sergas sobre a falta de pediatras en Baltar
Por Redacción |
-
Manifestación veciñal para esixir a mellora do servizo no centro de saúde de Baltar
Por Redacción |