O concurso Sanxenxo Degusta arranca este venres con 64 tapas participantes
Por Redacción
O Concello de Sanxenxo presentou este xoves a VIII edición do concurso Sanxenxo Degusta Tapas, que dará comezo este venres 19 de maio e prolongarase ata o 4 de xuño.
Nesta ocasión son 30 os locais que concursan presentando 64 tapas, nas modalidades tradicional (22 tapas), creativas (27) e doces (20 tapas). Mantense o prezo de 2 euros por tapa así como o sistema de votación de edicións anteriores, co que o público terá voz propia, aínda que nesta edición o xurado profesional non visitará os locais.
Serán os establecementos participantes quen deberá presentar as súas tapas a ditame dun xurado que avaliará as propostas gastronómicas nunha xornada que se convocará para ese efecto na Sala Nauta.
Nesta edición haberá moitos premios e sorteos para o público participante como estancias, spas, bonos saúde, ceas, viaxes en barco, visitas a adegas, incluíndo como novidade o sorteo dun ipad. Os primeiros en entregar o Degusta Mapa completo recibirán como premio seguro unha cea ou comida para dúas persoas nos locais participantes, e en caso de resultar desertos sortearanse entre todos os participantes.
Ademais de manterse a inclusión dunha tapa doce, a principal novidade desta edición é que se acurta a duración do concurso con respecto a anos anteriores xa que a Concellería de Turismo contempla a posibilidade de organizar unha nova convocatoria no outono, con produtos de tempada.
Relacionadas:
-
Os locais Fidel, Xerfa e Ollares da Ría, gañadores do concurso Degusta Tapas
Por Redacción |
-
Sanxenxo clausura o Degusta Tapas 2017
Por Redacción |
-
O Degusta Tapas de Sanxenxo recorta a súa duración e planea desdobrarse en outono
Por Redacción |
-
Sanxenxo Degusta entrega os premios ás mellores tapas e cócteles
Por Redacción |
-
Ollares da Ría e Taberna de Caneliñas, gañadores do certame Sanxenxo Degusta Tapas
Por Redacción |