Poio adquirirá unha máquina para limpar as súas praias
Por Redacción
Cunha axuda económica de 49.000 euros, que chegará do Plan Concellos da Deputación, Poio decidiu adquirir unha máquina para limpeza das súas praias.
Coa compra desta maquinaria, o goberno municipal encargarase directamente de limpar os seus areais, especialmente nas épocas de primavera e verán, onde a asistencia de veciños e turistas é habitual.
Con esta última adxudicación a institución provincial leva concedido ao concello un total de 603.550 euros para gastos en investimentos.
Ao longo deste 2017, a Deputación entregou 412.519 euros para a estabilización do muro de contención da estrada e a continuación do paseo litoral de Campelo, e por outra banda 142.031 euros para a renovación de servizos e pavimentación do camiño de Pateira.
Ademais, adxudicáronse 149.242 euros para o pagamento de débedas a acredores e 226.802 euros para a contratación de persoal.
A suma das subvencións recibidas ata a data supoñen o 97,2% do total previsto polo Plan Concellos 2017 para Poio, cantidade que ascende a 1.008.010 euros.
Relacionadas:
-
Poio recibe unha nova máquina para limpar as súas praias
Por Redacción |
-
Poio amplía o seu parque móbil cun camión lixeiro con guindastre
Por Redacción |
-
O goberno provincial presenta o reparto de máis axudas do Plan Concellos
Por Oskar Viéitez |
-
A Deputación aproba achegas do Plan Concellos para Poio, Bueu e Caldas de Reis
Por Redacción |
-
A Deputación concede préstamos sen xuros a Poio e A Lama
Por Redacción |