A reforma integral do barrio do Cabo custará máis de 200.000 euros
Por Alejandro Espiño
Tras unhas obras previas de recuperación parcial, o barrio do Cabo afrontará nos próximos meses un proceso de rehabilitación integral. Así o destacou o portavoz do goberno municipal, Raimundo González, que anunciou a licitación do contrato para recuperar este barrio mariñeiro situado en Lourizán, en torno ao colexio dos Praceres.
En total, o Concello valora estes traballos en 216.000 euros.
A intención do goberno municipal é mellorar o acceso a O Cabo desde Praceres, reordenar os aparcadoiros nas inmediacións do colexio, rehabilitar de forma integral as pequenas rúas do barrio, mellorar o acceso á praia do Cabo e renovar toda a iluminación.
As empresas que opten a realizar estas obras deberán comprometerse a executalas nun prazo máximo de catro meses.
Ademais, o Concello aprobou tamén a licitación do proxecto para a mellora da seguridade viaria na parroquia de Salcedo.
O prezo de licitación ascende a 130.505 euros. As obras, polas que se construirán 43 lombos, tamén teñen un prazo de execución de catro meses.
Relacionadas:
-
O Cabo estrea a súa nova imaxe tras unha rehabilitación integral
Por Alejandro Espiño |
-
O Cabo, único barrio mariñeiro de Pontevedra, comeza as súas obras de reforma
Por Redacción |
-
240.000 euros para os centros de compostaxe comunitaria de Monte Porreiro e Campolongo
Por Redacción |
-
Salcedo terá 43 lombos máis para calmar o tráfico na parroquia
Por Alejandro Espiño |
-
Un "centro lúdico" ao aire libre, último paso para reordenar a praza dos Praceres
Por Alejandro Espiño |
-
Comezan as obras para peonalizar o barrio do Cabo en Lourizán
Por Redacción |