A Garda Civil aumenta as súas dependencias no porto
Por Redacción
O Consello de Administración do Porto de Marín aprobou na súa última reunión un convenio de ocupación demanial entre a Dirección Xeral da Garda Civil e a Autoridade Portuaria de Marín e Ría de Pontevedra, para ceder un novo espazo público ao instituto armado.
A Comandancia da Garda Civil de Pontevedra, á que está adscrito o posto fiscal de Marín, solicitou estas dependencias para levar a cabo as actividades de control aduaneiro e resgardo fiscal encomendadas a este corpo dentro do recinto portuario.
As superficies para ocupar son un local de oficinas, locais de vestiarios e casetas de control de acceso ao porto.
Recentemente a Autoridade Portuaria acometeu obras de mellora e acondicionamento nun local do edificio de servizos para destinalo a vestiarios. Ademais ampliáronse as oficinas da Garda Civil cun local anexo. Con iso modernízanse as instalacións destinadas ao servizo da Garda Civil para facilitar o seu importante labor dentro do recinto portuario.