A relación entre Pontevedra e Tonucci, unha "profunda simbiose"
Por Redacción
O Sexto Edificio do Museo de Pontevedra acolleu este xoves a conferencia de Francesco Tonucci 'A autonomía infantil: unha necesidade para os nenos e nenas, un recurso para a cidade e para a escola'.
O pedagogo italiano, que estes días protagoniza diferentes actividades na provincia para divulgar as súas ideas sobre o modelo urbano e a ocupación dos espazos públicos, ten unha relación coa cidade de Pontevedra que "é unha profunda simbiose, unha enorme coincidencia nas bases que soportan ambos", explicou na presentación da conferencia o vicepresidente da Deputación, César Mosquera.
Tonucci incidiu unha vez máis na importancia de deseñar as cidades a medida de todos os cidadáns, en especial tomando "como medida aos nenos e nenas".
"Os parques de xogo das cidades son lugares de segregación para os nenos. Se os nenos non teñen suxestións sobre que facer, como os tobogáns ou as randeeiras, non teñen máis remedio que inventar, e esa creatividade é o máis importante que se debe potenciar", explicou.
Neste asunto o pedagogo resaltou os custos de que os nenos non dispoñan da posibilidade de xogo autónomo, ademais dos beneficios que supón para toda a cidade que os menores gocen das rúas con liberdade, xa que "os nenos e nenas son como vixiantes. Se están na rúa obrígannos aos adultos para comportarnos mellor. Axudan a vixiar coa súa presenza en lugar de controlar con multas, o que fai que nos comportemos civilmente no espazo público", apuntou ante a audiencia presente.
Relacionadas:
-
O encontro pontevedrés da rede española de "Cidades dos nenos" será o máis longo e concorrido
Por Oskar Viéitez |
-
O modelo urbano de Pontevedra, a estudo no Forum Civinet de Valencia
Por Redacción |
-
Os nenos do Froebel estrean o primeiro roteiro Tonucci
Por Redacción |
-
As figuras da exposición de Tonucci, víctimas de actos vandálicos
Por Oskar Viéitez |
-
Tonucci fala dos seus 40 anos con ollos de neno
Por Mónica Patxot |
-
Frato amosa como facer visible o invisible do universo infantil
Por Mónica Patxot |
-
O consello de Tonucci: adaptar o modelo urbano de Pontevedra á personalidade de Cambados e O Grove
Por Redacción |
-
A imaxinación infantil visibilizarase no Pazo da Cultura cos debuxos de Frato
Por Mónica Patxot & Anxo Lourido |
-
Tonucci avoga por que os nenos participen no goberno das cidades
Por Oskar Viéitez & Mónica Patxot |
-
Pontevedra converterase na "Provincia Tonucci"
Por Oskar Viéitez & Mónica Patxot |