O Xesús Nazareno cumpre coa tradición do Martes Santo
Por Redacción & Diego Torrado
Quenda para a procesión de Jesús Nazareno e María Santísima da Esperanza na Semana Santa pontevedresa. Como é habitual cada Martes Santo, a confraría de Nuestro Padre Jesús del Silencio acompañou a ambas as tallas nun desfile que percorreu gran parte do centro histórico.
Ante a atenta mirada de centos de fieis, a comitiva partiu de San Bartolomé tras a misa de oito e realizou un paseo circular que regresou á igrexa tras pasar, entre outras, por Isabel II, Princesa, a praza do Teucro, Manuel Quiroga, a praza da Ferrería e Pasantaría.
A imaxe do Jesús Nazareno, unha réplica da que se venera na capela situada no lateral do Teatro Principal, igual que a talla da virxe, se custodia en San Roque desde onde se trasladou antes da procesión para montar o paso.
Na procesión deste Martes Santo participaron tamén as confrades do Mayor Dolor, a única confraría integramente feminina que hai en Pontevedra. Elas acompañaron á Virxe da Esperanza, que procesionó adornada con flores amarelas e douradas.
Esta confraría feminina volverá saír este Mércores Santo, día no que está previsto que salga a procesión da Virxe da Soidade e Jesús Nazareno coa cruz ao lombo.
Será en Santa María, tras a misa das oito. Percorrerá as rúas Amargura, Isabel II, Real, Curros Enríquez, Manuel Quiroga, Don Filiberto, Alhóndiga e a Avenida de Santa María.
Relacionadas:
-
A Semana Santa de Pontevedra baixa o pano coa procesión do Resucitado
Por Redacción & Diego Torrado |
-
A procesión do Encontro anima a mañá do Venres Santo en Pontevedra
Por Redacción & Diego Torrado |
-
A multitude réndese ao paso das sete confrarías da Semana Santa pontevedresa
Por Diego Torrado |
-
RADIO.- Canto custan e canto reportan as procesións de Semana Santa?
Por Marisa Ciordia |
-
A Cofradía del Mayor Dolor enche as rúas coa procesión máis feminina da Semana Santa
Por Diego Torrado |
-
O Cristo das Caídas volve percorrer a Boa Vila o Luns Santo
Por Redacción & Diego Torrado |
-
Milleiros de palmas e ramos reciben á 'Borriquita' en Pontevedra
Por Alejandro Espiño |