O Cristo das Caídas volve percorrer a Boa Vila o Luns Santo
Por Redacción & Diego Torrado
O Cristo das Caídas, o paso da Semana Santa pontevedresa que escenifica as tres caídas de Xesucristo camiño do Calvario, volveu saír á rúa un Luns Santo. Centos de persoas acompañaron á imaxe na primeira procesión que se celebra esta semana na Boa Vila.
Arroupado polos confrades da Vera Cruz e Misericordia -vestidos coas súas tradicionais túnicas negras e capuchóns morados coa cruz bordada en verde-, o Cristo saíu de San Bartolomé pouco despois das oito e media da tarde.
A procesión percorreu gran parte do centro histórico e, en tres puntos, o paseo Antonio Odriozola, a capela de Jesús Nazareno e a praza de Méndez Núñez, escenificáronse as tres caídas.
En todos eles, o coro Luís García Limeses e os Ex-Cantores dos Institutos interpretaron motetes para lembrar eses episodios.
Os confrades do Nuestro Jesús Padre del Silencio tomarán o relevo este Martes Santo coa procesión de Jesús Nazareno e María Santísima da Esperanza, na que estarán acompañados da confraría do Mayor Dolor.
O desfile sairá ás oito e media da tarde de San Bartolomé.
Relacionadas:
-
A Semana Santa de Pontevedra baixa o pano coa procesión do Resucitado
Por Redacción & Diego Torrado |
-
A multitude réndese ao paso das sete confrarías da Semana Santa pontevedresa
Por Diego Torrado |
-
RADIO.- Canto custan e canto reportan as procesións de Semana Santa?
Por Marisa Ciordia |
-
A Cofradía del Mayor Dolor enche as rúas coa procesión máis feminina da Semana Santa
Por Diego Torrado |
-
O Xesús Nazareno cumpre coa tradición do Martes Santo
Por Redacción & Diego Torrado |
-
Milleiros de palmas e ramos reciben á 'Borriquita' en Pontevedra
Por Alejandro Espiño |