Ilesos os escolares dun autobús que chocou contra un coche na Caeira
Por Redacción
Un accidente de circulación entre un autobús escolar e un turismo, na Caeira, saldouse este xoves sen feridos.
O suceso tivo lugar ao redor das 18:20 horas da tarde.
No momento do choque viaxaban no autocar 10 escolares de 14 anos do IES Xunqueira II, pero afortunadamente todo quedou nun susto e todos se atopaban boas condicións, segundo informa o 112 Galicia.
Foi un particular o que alertou do sucedido á central de emerxencias, explicando que os vehículos implicados estaban a obstaculizar a circulación na zona.
O 112 informou do suceso ás policías locais de Poio e Pontevedra e a Protección Civil de Poio.