Propoñen un referendo sobre o convenio taurino que sexa vinculante para o próximo goberno local
Por Oskar Viéitez
A plataforma Galicia, Mellor Sen Touradas propuxo este martes a "delegación" da decisión sobre o convenio de aluguer entre a praza de touros e o Concello de Pontevedra na realización dunha consulta cidadá que vincule a futura acción do próximo goberno local neste asunto.
Os abolicionistas consideran que a maior parte dos pontevedreses "ve con malos ollos un acordo que xa custou máis de 700.000 euros ás arcas municipais desde o ano 2000" e que, na práctica, "supón un desembolso económico en favor duns empresarios que organizan corridas de touros, o que implicaría un subsidio indirecto desta cruel actividade".
Con máis de 102.000 firmas reclamando unha cidade do Lérez 'contraria ás corridas de touros' na plataforma de activismo dixital Change.org, a coalición de entidades abolicionistas advirte que o referendo é a fórmula que "garantiría a maior participación cidadá e un gran grao de lexitimidade social para avalar unha hipotética supresión do convenio".
Os abolicionistas tamén suxiren modificar as actividades da 'Feira Franca' para deixar de empregar o coso.
Relacionadas:
-
Os abolicionistas lanzan unha ofensiva para impedir un tentadeiro en Pontevedra
Por Oskar Viéitez |
-
Marea Pontevedra insiste en rematar coa "subvención encuberta ás touradas"
Por Oskar Viéitez |
-
Os animalistas propoñen substituír os animais por robots na cabalgata de Reis
Por Oskar Viéitez |
-
Que vos parece trasladar a sede da UNED á praza de touros?
Por Redacción |
-
Denuncian ante a Valedora do Pobo a opacidade do convenio da praza de touros
Por Oskar Viéitez |
-
Animalistas piden ao Concello que os Reis Magos cheguen a Pontevedra sen camelos nin cabalos
Por Oskar Viéitez |
-
A praza de Touros, abarrotada de público para seguir os Torneos Medievais
Por Diego Torrado |