Braga tamén se interesa polo modelo urbano de Pontevedra
Apenas 24 horas despois, no mesmo lugar e con diferentes visitantes. Así foi a visita que liderou o alcalde de Pontevedra para mostrar o modelo urbano da cidade. Desta volta, os que querían comprobar as solucións que se adoptaron na Boa Vila foron os integrantes dunha delegación técnica da Cámara Municipal de Braga.
Co seu concelleiro de Urbanismo á fronte, os portugueses acudiron a Pontevedra para profundar no seu modelo, ao consideralo un "exemplo a seguir" na coexistencia no espazo público de peóns e tráficos rodados, segundo explicou o edil Miguel Bandeira.
Con el estivo un equipo da consultora CINESI, que representa ao departamento municipal de Mobilidade da cidade lusa na rede CityMobilNet do proxecto europeo URBACT.
Bandeira explicou que Braga ten unha das zonas peonís máis amplas de Portugal pero tamén rexistra unha das taxas de crecemento de automóbiles máis elevadas o que complica o camiño cara a construción da cidade "amable, respectuosa e sostible" que queren ser.
Ademais, engadiu o responsable de Urbanismo, "temos problemas engadidos como o feito de que estradas nacionais cruzan a cidade e aínda que temos autoestradas e infraestruturas viarias para retirar os grandes fluxos de trafico de paso, a xente segue a atravesar o centro da cidade".
Así, buscan ideas para resolver os tráficos de paso e axitación, a aplicación de medidas de calmado de trafico ou inverter as prioridades no eido da mobilidade a prol das persoas.
Ademais da visita guiada pola cidade, a delegación de Braga mantivo unha sesión de traballo con técnicos municipais.
Relacionadas:
-
Representantes do Bloco de Esquerdas buscan en Pontevedra propostas para Braga, Famaliçao e Guimarães
Por Oskar Viéitez |
-
Guinea Bissau 'bebe' da experiencia e o modelo de desenvolvemento de Pontevedra
Por Redacción |
-
México, destino da primeira misión empresarial impulsada polo Concello
Por Alejandro Espiño |
-
Lores, en Puente Genil: "A mellor seguridade viaria son os nenos xogando na rúa"
Por Alejandro Espiño |
-
Andorra La Vella visita Pontevedra para "aprender" do seu modelo urbano
Por Alejandro Espiño & Mónica Patxot |
-
Lores e o modelo urbano da cidade 'asaltan' A Bastilla
Por Redacción |
-
Nova Orleans fíxase en Pontevedra para recuperar o seu centro histórico
Por Alejandro Espiño |