Ponte Caldelas, primeira parada galega na campaña de Pedro Sánchez polo liderado do PSOE
Por Alejandro Espiño
Pedro Sánchez pisa Galicia por vez primeira desde que anunciou a súa candidatura para digirir do novo o PSOE. Farao este mércores 15 de marzo. A súa estrea ía ser en Ourense, pero finalmente antes visitará Ponte Caldelas. Así o anunciou o propio alcalde do municipio, Andrés Díaz, a través da súa conta de Facebook.
A Pedro Sánchez irá a recollelo Andrés Díaz ao aeroporto de Vigo ás 13.00 horas, para trasladalo a Ponte Caldelas no seu coche particular. Á súa chegada ao municipio pontevedrés, prevista para as 13.45 horas, visitará a Casa do Concello, saudará á corporación local e visitará o centro da vila.
Durante o seu paseo, explica o rexedor caldelán, Sánchez revisará as actuacións e os plans que o goberno tripartito desenvolveu nos últimos meses.
Ademais, o candidato ás primarias do PSOE celebrará unha comida con militantes e simpatizantes socialistas de toda a comarca no restaurante Puente, onde cada asistente pagará o importe do seu prato.
Ante esta visita, que Andrés Díaz cualifica como persoal, o alcalde de Ponte Caldelas agradece que Pedro Sánchez elixise o seu municipio como primeiro concello que visita en Galicia na súa precampaña para optar á Secretaría Xeral do PSOE.
Díaz indica que aproveitará para expoñerlle ao candidato socialista a situación política que se vive en Galicia e o agravio comparativo que padecen os concellos rurais na repartición de investimentos da Xunta de Galicia.
A este acto están convidados os secretarios xerais e portavoces do PSdeG-PSOE na comarca, encabezados polo pontevedrés Agustín Fernández e os líderes socialistas na Lama, Cerdedo-Cotobade e Soutomaior.
Relacionadas:
-
O Partido Socialista vive un bo momento... en Ponte Caldelas
Por Oskar Viéitez |
-
Pedro Sánchez fará campaña esta semana en Pontevedra para liderar o PSOE
Por Redacción |
-
Patxi López explicará o domingo en Pontevedra o seu proxecto para o PSOE
Por Redacción |
-
Un Pedro Sánchez "muy animado" polas primarias do PSOE dáse un baño de masas en Ponte Caldelas
Por Alejandro Espiño & Mónica Patxot |
-
Carmela Silva lamenta que Andrés Díaz use o Concello de Ponte Caldelas para promocionar a Pedro Sánchez
Por Anxo Lourido |
-
Carmela Silva vai apostar por unha muller para a Secretaría Xeral do Partido Socialista
Por Oskar Viéitez |
-
O "non é non" do PSOE a Rajoy chega ata o pleno municipal
Por Alejandro Espiño & Mónica Patxot |
-
A crise interna do PSOE chega a Pontevedra, divididos entre partidarios de Sánchez e dos críticos
Por Alejandro Espiño | Creada e actualizada
-
Pedro Sánchez anima desde Pontevedra a votar ao PSOE para "sacarle la tarjeta roja" a Feijóo e Rajoy
Por Alejandro Espiño & Cristina Saiz |