O goberno local de Ponte Caldelas dará conta aos veciños do acordo coa Xunta na PO-234
Por Oskar Viéitez
O goberno local de Ponte Caldelas, formado polos grupos municipais do PSdeG-PSOE, AVP e BNG, reunirase o próximo sábado, día 5 de marzo, cos veciños de Laxoso (Ponte Caldelas) e Augasantas (Cerdedo-Cotobade) e cos membros da plataforma para explicar os resultados da xuntanza celebrada esta semana co director xeral da Axencia Galega de Infraestruturas en torno ás obras na PO-234.
Segundo adiantou o equipo de goberno, nesta xuntanza amosarase o convenio polo que o Concello se compromete a asumir o custo das expropiacións dos terreos que non sexan cedidos gratuitamente durante o proceso de expropiacións.
Estas mismas fontes salientan que o convenio "debe ser asinado canto antes" porque prevé que a licitación das obras sexa este mesmo ano para que o Concello achegue un primeiro pago de 20.000 euros neste exercicio e a cantidade restante do proceso expropiatorio en 2018. A cifra total, segundo o texto, non pode superar o máximo de 40.000 euros.
Ponte Caldelas asumirá o custo das expropiacións "diante das dificultades para localizar aos 99 propietarios incluídos na Relación de Bens e Dereitos entregada pola Xunta e diante da esixencia unilateral da Consellería de que o Concello recollera sinaturas, sen valor legal algún, de todos e cada un dos afectados polo proxecto autonómico. Algo imposible, toda vez que algúns deles están falecidos, outros son descoñecidos e a maior parte residen fóra de Ponte Caldelas, e mesmo no estranxeiro".
PREGUNTAS NO PARLAMENTO
Os socialistas de Ponte Caldelas van impulsar varias preguntas no Parlamento de Galicia para que a Consellería aclare os criterios polos que decide en que obras da Rede Autonómica de Estradas asume as expropiacións e en cales esixe aos concellos que emprendan a recollida deste tipo de sinaturas.
Relacionadas:
-
Ponte Caldelas achega 40.000 euros á Xunta para desbloquear as obras da estrada PO-234
Por Redacción |
-
Ponte Caldelas mantén a súa oferta á Xunta de pagar as expropiacións da PO-234
Por Redacción |
-
Laxoso e Augasantas dan o seu visto bo ao acordo para reformar a PO-234
Por Redacción |
-
Os populares de Ponte Caldelas critican ao concello por malgastar e perder o tempo
Por Oskar Viéitez |
-
A PO-234, en obras o próximo verán polo tramo de Cotobade; Ponte Caldelas terá que esperar
Por Alejandro Espiño & Mónica Patxot |
-
Andrés Díaz tacha de "falta de respecto institucional" a ausencia da conselleira na reunión sobre a PO-234
Por Redacción |